ttcnews@world

वर्ष 2022-23 या आर्थिक वर्षात उप प्रादेशिक परिवहन कार्यालयामार्फत मोटार वाहन कायद्यातील नियमांचा भंग करणाऱ्या वाहन चालकांकडून वायुवेग पथकाद्वारे 4 कोटी 4 लक्ष 63 हजार रक्कम जमा करण्यात आल्याची माहिती उप प्रादेशिक परिवहन अधिकारी किरण बिडकर यांनी एका प्रसिद्धी पत्रकान्वये दिली आहे. वायुवेग पथकामार्फत धोकादायक पद्धतीने वाहन चालविणे, विना परवाना वाहन चालविणे, ओव्हरलोड वाहतूक, हेल्मेटचा वापर न करणे इत्यादी विविध गुन्हे करणाऱ्या 5 हजार 683 वाहनांवर कारवाई करण्यात आली असून उद्दीष्टाच्या तुलनेत ही रक्‍कम 192 टक्के आहे.  नवीन वाहन नोंदणी, एक रकमी कर, मालवाहू वाहनांचा वाहन कर, परवाना शुल्क, अनुज्ञप्ती शुल्क इत्यांदीच्या माध्यमातून 56.17 कोटी जमा झाली आहे. तर सीमा तपासणी नाका, नवापूर येथे आंतरराज्य वाहतूक करणाऱ्या 49 हजार 298 वाहनांकडून 14 कोटी 38 लक्ष रूपये तसेच सीमा तपासणी नाका, गवाली, ता. अक्कलकुवा येथे 23 हजार 151 वाहनांकडून 5 कोटी 40 लक्ष रूपये वाहन कर व दंड या स्वरूपात वसूल करण्यात आले आहे. वर्ष 2022-23 या आर्थिक वर्षात एकूण 14 हजार 837 नवीन वाहनांची नोंदणी करण्यात आली, यात...

नंदुरबार तालुक्यातील बामडोद येथील शताब्दी इन्स्टिट्यूट ऑफ फार्मसी महाविद्यालयाचे प्राचार्य डॉक्टर पी एच पाटील, पाहणी दौरा प्रमुख प्राध्यापक हर्षराज अहिरे यांच्या मार्गदर्शनाखाली (फार्मसी) औषध निर्माण विभागात प्रशिक्षण घेणाऱ्या 46 विद्यार्थ्यांची नंदुरबार जिल्हा ग्रामीण रुग्णालय व नंदुरबार नगरपालिकेच्या जलशुद्धीकरण केंद्रात शैक्षणिक पाहणी दौऱ्याचे आयोजन करण्यात आले होते.  या शैक्षणिक पाहणी दौऱ्यादरम्यान सुरुवातीला नंदुरबार जिल्हा ग्रामीण रुग्णालयात विद्यार्थ्यांनी भेट दिली. दरम्यान नंदुरबार जिल्हा ग्रामीण रुग्णालयाचे वरिष्ठ औषध निर्माण अधिकारी गोपाळ भोन कर यांनी विद्यार्थ्यांना औषध वितरण प्रणाली, इन्व्हेंटरी मॅनेजमेंट, औषधांमधली त्रुटी, औषधांची साठवणूक, खरेदी आणि बिलिंगची माहिती अमली पदार्थांच्या साठवणुकीसाठी घेतली जाणारी विशेष खबरदारी यासोबतच रुग्णालयातील कामकाज आयसीयू, आयसीसीयु इन पेशंट फार्मसी, पॅथॉलॉजी सेंटर, ऑपरेशन थिएटर आपत्कालीन सेवा ही सर्व प्रक्रिया कशी असते याबाबत विद्यार्थ्यांना माहिती दिली.   *नगरपालिका जलशुद्धीकरण केंद्राला भेट* दुपारच्या क्षेत्र...

नंदुरबार (प्रतिनिधी)-शहरातील बायपास रस्त्यावर जिल्ह्यातील सर्वात मोठ्ठे ४८ हजार स्केअर फुटमध्ये उभारण्यात आलेल्या छत्रपती मल्टीस्पेशालिस्ट हॉस्पिटलचे उद्घाटन अक्षय तृतीयेच्या दिवशी २२ एप्रिल रोजी करण्यात येणार आहे. त्यानिमित्त प्रसिद्ध शिव महापुराण कथाकार पंडित प्रदीप मिश्रा यांच्या १ दिवशीय शिव चर्चा कार्यक्रमाचे आयोजन करण्यात आलेले आहे. नागरिकांनी कार्यक्रमाला मोठ्या संख्येने उपस्थित राहावे असे आवाहन माजी आमदार तथा शिवसेनेचे संपर्कप्रमुख चंद्रकांत रघुवंशी यांनी केले आहे. माजी आमदार चंद्रकांत रघुवंशी यांच्या संकल्पनेतून शहरातील शहादा बायपास रस्त्यावर १२५ बेडचे छत्रपती मल्टी स्पेशालिस्ट हॉस्पिटल उभारण्यात आलेले आहे. हॉस्पिटलचे उद्घाटन अक्षय तृतीयेच्या शुभ मुहूर्तावर २२ एप्रिल रोजी करण्यात येणार आहे. यासंदर्भात माहिती देण्यासाठी माजी आ.रघुवंशी यांनी रविवारी दुपारी हॉस्पिटलमध्ये पत्रकार परिषद घेतली.यावेळी शिवसेना जिल्हाप्रमुख ॲड.राम रघुवंशी,डॉ.तुषार रघुवंशी, माजी नगरसेवक यशवर्धन रघुवंशी,डॉ. रोशन भंडारी, माजी सभापती कैलास पाटील उपस्थित होते. यावेळी माजी आ.रघुवंशी म्हणाले, अक्ष...

प्रतिनिधी : दिनू गावित  नवापूर तालुक्यातील आदिवासी ऊस उत्पादक शेतकऱ्यांसाठी तीस वर्षांपूर्वी सहकारी तत्त्वावर माजी मंत्री स्वरूपसिंग नाईक. आणि माजी केंद्रीय मंत्री माणिकराव गावित यांच्या मार्गदर्शनाखाली साखर कारखान्याची मुहूर्त मोड रोवली गेली. डोकारे आदिवासी साखर कारखान्यात गेली २५ वर्षे मंडळाची निवड बिनविरोध होत होती. परंतु नवापूर तालुक्यात राजकीय पक्ष अदलाबदलांमुळे साखर कारखान्यावरही. यंदा भाजप नवापूर तालुका अध्यक्ष भरत माणिकराव गावित. यांनी परिवर्तन पॅनल उभे करून निवडणूक लढवली. काँग्रेसचे आमदार शिरीष नाईक यांच्या शेतकरी विकास पॅनल यांच्यात सरळ लढत झाली.  २४ डिसेंबर रोजी मतदान झाल्यानंतर २५ डिसेंबरला मतमोजणी झाली. बॅलेट पेपर द्वारे झालेल्या मतदानाची मोजणी करण्यासाठी तब्बल १२ तासांचा अवधी लागल्याने निकाल उशिरा जाहीर झाले.  डोकारे आदिवासी सहकारी साखर कारखाना मंडळात १७ संचालक पदांची निवडणूक घेण्यात आली. यामध्ये शिरीष नाईक पुरस्कृत शेतकरी विकास पॅनलचे २ उमेदवार याआधीच बिनविरोध निवडून आले होते. परिवर्तन पॅनलचे १४ उमेदवार रिंगणात होते. शेतकरी विकास पॅनलचे १५ उमेदव...

नंदुरबार शहरातील नव्या भोईगल्लीत नगरपालिकेच्या वतीने सामाजिक सभागृहाचे भूमिपूजन जि.प सदस्य तथा शिवसेना जिल्हाप्रमुख ॲड राम रघुवंशी यांच्या हस्ते भूमिपूजन करण्यात आले. नंदुरबार नगरपरिषदेच्या वतीने विविध विकास कामे करण्यात येत आहेत.त्याचाच एक भाग म्हणून शहरातील नव्या भोई गल्लीत सामाजिक सभागृहाचे बांधकाम करण्यात येणार आहे. त्या सभागृहाचे भूमिपूजन जि.प सदस्य तथा शिवसेना जिल्हाप्रमुख ॲड राम रघुवंशी यांच्या हस्ते भूमिपूजन करण्यात आले. यावेळी परिसरातील नागरिकांनी जिल्हाप्रमुख राम रघुवंशी यांच्या सत्कार केला. यावेळी उपनगराध्यक्ष कुणाल वसावे,पाणीपुरवठा सभापती कैलास पाटील,पत्रकार हिरालाल चौधरी, नगरसेवक प्रमोद शेवाळे,जगन्नाथ माळी,माजी नगरसेवक किरण चौधरी,रामकृष्ण मोरे,जगन खेडकर,महादू हिरणवाळे, रामकृष्ण वाडीले,विनोद चौधरी,तुषार तावडे,भास्कर रामोळे,गणेश खेडकर त्याचप्रमाणे नवनाथ नगर,बालवीर चौक,आंबेडकर चौक,जुनी भोई गल्ली परिसरातील नागरिक उपस्थित होते.कार्यक्रमाचे प्रास्ताविक रामकृष्ण मोरे तर सूत्रसंचालन महादू हिरणवाळे यांनी केले.

सार्वजनिक बांधकाम विभागाच्या अखत्यारीतील रस्ता पाळधी-अमळनेर-शिंदखेडा-दोडांईचा-नंदुरबार-धानोरा ते गुजरात राज्य हद्द हा राज्यमार्ग क्रमांक सहावरील 165/650 मधील धानोरा गावाजवळील मोठा पुल आज सकाळी 9.30 वाजता कोसळल्यामुळे या मार्गावरील वाहतूक ही पुर्णत: बंद करण्यात आली आहे. यामार्गावरील वाहतूक नवापूरकडे जाणारी अवजड वाहतुक करणखेडा गावाजवळून धुळवद गावाकडे (रामा-11) वरुन वळविण्यात आली आहे. तर गुजरातकडे जाणारी वाहतुक धानोराकडून नटावद-आर्डीतारा (प्रजिमा-49) मार्गे तर इतर लहान वाहनांसाठी वाहतुक धानोरा गावातून पर्यायी पुलावरुन वळविण्यात आली आहे.  रंका नदीवर करण्यात आलेल्या पुलाचे बांधकाम स्तंभ हे दगडी बांधकामाचे होते. त्यावर आरसीसी स्लॅबचे बांधकाम करण्यात आले होते. दगडी बांधकामातील स्तंभ कोसळल्याने सदर पुल क्षतिग्रस्त झाल्याचे प्रथमदर्शनी आढळुन आले आहे. असे कार्यकारी अभियंता सार्वजनिक बांधकाम विभाग, नंदुरबार यांनी एका प्रसिद्धी पत्रकान्वये कळविले आहे. कैलास पाडवी रिपोर्ट मोबाईल 8329479669